മലപ്പുറം: മലപ്പുറം അങ്ങാടിപ്പുറത്ത് എഎം ഹോണ്ടാ ഷോറൂമില് തീപിടിത്തം. ഷോറൂമിലുണ്ടായിരുന്ന 18 വാഹനങ്ങളും കത്തി നശിച്ചു. രാവിലെ ആറു മണിയോടെയാണ് തീപിടിത്തം ഉണ്ടായത്. പരിസരത്തുണ്ടായിരുന്നവരാണ് തീപടരുന്ന വിവരം അറിയിച്ചത്. ഷോറൂമും അതിനൊപ്പം ചേര്ന്ന് പ്രവര്ത്തിക്കുന്ന സര്വീസ് സെന്ററും ഉള്പ്പെട്ട ഇരുനില കെട്ടിടം പൂര്ണ്ണമായും കത്തിനശിച്ചു.
കെട്ടിടത്തിലുള്ള ജനറേറ്റര് സ്ഥിതി ചെയ്യുന്ന ഭാഗത്ത് നിന്നാണ് തീപടര്ന്നതെന്നാണ് നിഗനമനം. ഷോര്ട്ട് സര്ക്യൂട്ടാണ് അപകടത്തിന് കാരണമെന്നാണ് പ്രാഥമിക വിവരം. സര്വീസിനായി കൊണ്ടുവന്ന 18 വാഹനങ്ങളാണ് കത്തി നശിച്ചത്. കൂടാതെ ഇരുപതിലധികം വാഹനങ്ങള് ഭാഗികമായും കത്തി. മുകളിലെ നിലയിലായിരുന്നു പുതിയ വാഹനങ്ങള് ഉണ്ടായിരുന്നത്.
തീ മുകളിലേക്ക് പടരുമ്ബോഴേക്കും നാട്ടുകാരും അഗ്നിശമന സേനാംഗങ്ങളും ചേര്ന്ന് ഈ വാഹനങ്ങള് ഇവിടെനിന്ന് മാറ്റി. തീ പടര്ന്നത് അറിയാന് വൈകിയതാണ് അപകടത്തിന്റെ വ്യാപ്തി വര്ധിപ്പിക്കാനിടയാക്കിയത്. അഗ്നി ശമനസേനാ യൂണിറ്റുകള് ഒന്നര മണിക്കൂറോളമെടുത്താണ് തീ അണച്ചത്.