മുംബൈ: ബിനാമി സ്വത്തുക്കള്ക്കെതിരെ കര്ശന നടപടികളുമായി ആദായ നികുതി വകുപ്പ്. മ്യൂച്ചല് ഫണ്ട് നോമിനി, കോടിശ്വരന്മാരുടെ ഭാര്യമാര്, റിയല്എസ്റ്റേറ്റ് നിക്ഷേപമുള്ള പ്രവാസികള് എന്നിവരുടെ സാമ്ബത്തിക ഇടപാടുകളെല്ലാം നിരീക്ഷിക്കാനാണ് വകുപ്പിെന്റ നീക്കം. നോട്ട് പിന്വലിക്കല് സമയത്ത് ഒരു ലക്ഷം രൂപയില് കൂടുതല് നിക്ഷേപിച്ചവരും ആദായ നികുതി വകുപ്പിെന്റ നിരീക്ഷണത്തിലാണ്.
ഇത്തരം ഇടപാടുകള് നടത്തിയവര്ക്ക് നോട്ടീസയക്കാനാണ് വകുപ്പിെന്റ തീരുമാനം. ഇതിനകം 50,000 പേര്ക്ക് നോട്ടീസ് അയച്ചതായി വകുപ്പുമായി ബന്ധപ്പെട്ട ഉദ്യേഗസ്ഥര് വ്യക്തമാക്കിയതായി ഇക്കോണമിക്സ് ടൈംസ് റിപ്പോര്ട്ട് ചെയ്യുന്നു.
പരിശോധനകളുടെ അടിസ്ഥാനത്തില് നികുതിവെട്ടിച്ചതായി കണ്ടെത്തുന്നവര്ക്കെതിരെ കടുത്ത നടപടികള് സ്വീകരിക്കാനാണ് വകുപ്പിെന്റ നീക്കം. ഇതിനായി വ്യക്തികളുടെ സാമൂഹിക മാധ്യമങ്ങളിലെ ഇടപെടലുകള് വരെ പരിശോധനക്ക് വിധേയമാക്കുമെന്നാണ് വിവരം.