തിരുവനന്തപുരം: പ്രളയക്കെടുതിയില് ദുരിതാനുഭവിക്കുന്ന ഈ സഹചര്യത്തില് ചെങ്ങന്നൂര് ജില്ലാ ആശുപത്രിയില് 24 മണിക്കൂറും പ്രവര്ത്തിക്കണമെന്ന് ആരോഗ്യമന്ത്രി കെ കെ ശൈലജ.ഒരു രോഗിക്കു പോലും ചികിത്സ ലഭ്യമാകാത്ത അവസ്ഥ ഉണ്ടാകില്ലെന്നും ചെങ്ങന്നൂര് ജില്ലാ ആശുപത്രിയില് 24 മണിക്കൂറും പ്രവര്ത്തിക്കുന്ന എമര്ജന്സി കണ്ട്രോള് റൂം തുറക്കാന് നിര്ദേശം നല്കിയിട്ടുണ്ടെന്നും ആരോഗ്യമന്ത്രി ഫേസ്ബുക്കില് കുറിച്ചു.
ചെങ്ങന്നൂരിലെ പ്രവര്ത്തനങ്ങള്ക്കായി തിരുവനന്തപുരം, കൊല്ലം ജില്ലകളില് നിന്ന് കൂടുതല് ജീവനക്കാരെ ചെങ്ങന്നൂരില് വിന്യാസിക്കാന് തീരുമാനിച്ചിട്ടുണ്ടെന്നും മന്ത്രി കൂട്ടിച്ചേര്ത്തു.’ആരോഗ്യ കേരളം തിരുവനന്തപുരം ജില്ലാ പ്രോഗ്രാം മാനേജര് ഡോ. പി.വി. അരുണിന് സ്ഥലത്തെ മറ്റ് കാര്യങ്ങളുടെ മേല്നോട്ട ചുമതല നല്കിയിട്ടുണ്ട്. ആലപ്പുഴ ജില്ലാ മെഡിക്കല് ഓഫീസര് ഡോ. വസന്ത ദാസ്, ആരോഗ്യ കേരളം ജില്ലാ പ്രോഗ്രാം മാനേജര് ഡോ.രാധാകൃഷ്ണന് എന്നിവര് പ്രവര്ത്തനങ്ങള് ഏകോപിപ്പിക്കും.
തിരുവനന്തപുരം ജില്ലയില് നിന്നടക്കം സ്ഥലത്തെ രക്ഷാപ്രവര്ത്തനങ്ങള്ക്കായി 108 ആംബുലന്സുകള് ചെങ്ങന്നൂരില് സജ്ജമാക്കിയിട്ടുണ്ട്.