ബെല്ഗ്രേഡ്: ത്രിരാഷ്ട്ര സന്ദര്ശനത്തിന്റെ ഭാഗമായി സെര്ബിയയില് എത്തിയ ഉപരാഷ്ട്രപതി എം.വെങ്കയ്യ നായിഡുവിന് ഉജ്വല സ്വീകരണം. ബെല്ഗ്രേഡിലെത്തിയ വെങ്കയ്യ നായിഡുവിനെ സെര്ബിയ പ്രസിഡന്റ് അലക്സാണ്ടര് വ്യുസിക് സ്വീകരിച്ചു.
പിന്നീട് ഇരുനേതാക്കളും ബെല്ഗ്രേഡില് യോഗം ചേര്ന്നു. ഇന്ന് വൈകിട്ട് സെര്ബിയയിലെ ഇന്ത്യന് സമൂഹത്തെയും ഉപരാഷ്ട്രപതി അഭിസംബോധന ചെയ്യും. ഇന്ന് സെര്ബിയന് ദേശീയ അസംബ്ലിയില് ഉപരാഷ്ട്രപതി സംസാരിക്കും.
വെങ്കയ്യ നായിഡുവിന്റെ ഏഴ് ദിവസത്തെ പര്യടനത്തില് സെര്ബിയയ്ക്കു പുറമേ മാള്ട്ട, റുമാനിയ എന്നീ രാജ്യങ്ങളും അദ്ദേഹം സന്ദര്ശിക്കും. ഞായറാഴ്ച വെങ്കയ്യ നായിഡു മാള്ട്ടയില് എത്തും. പിന്നീടാണ് റുമാനിയയിലേക്ക് പോകുന്നത്.
മൂന്ന് രാജ്യങ്ങളുമായി ഇന്ത്യ വിവിധ മേഖലകളില് സഹകരിച്ച് പ്രവര്ത്തിക്കുന്നതിനുള്ള കരാറുകളില് ഒപ്പിടും. വാണിജ്യ, സാംസ്കാരിക, പാരിസ്ഥിതിക മേഖലകളില് സഹകരണം വര്ധിപ്പിക്കാനാണ് ഉപരാഷ്ട്രപതിയുടെ ത്രിരാഷ്ട്ര സന്ദര്ശനം.