പതിമൂന്ന് വയസുകാരന് ബാലനെ ലൈംഗികബന്ധത്തിനു വിസമ്മതിച്ചതിനെ തുടര്ന്ന് വിവാഹിതയായ യുവതി ജനനേന്ദ്രിയം ചവണ ചൂടാക്കി പൊള്ളിച്ചു. ഉത്തര്പ്രദേശിലെ ചപ്രോലയിലാണ് സംഭവം. കുട്ടിയുടെ അമ്മയുടെ പരാതിയില് അയല്ക്കാരിയായ യുവതിക്കെതിരെ ബാദല്പൂര് പൊലീസ് കേസ് എടുത്തു. യുവതി ഒളിവിലാണ്.
വീട്ടില് ഒറ്റയ്ക്കായിരുന്ന യുവതി കുട്ടിയെ വീട്ടിലേക്ക് ക്ഷണിക്കുകയും ലൈംഗിക താല്പര്യത്തോടെ കുട്ടിയെ ലൈംഗിക ബന്ധത്തിന് പ്രേരിപ്പിക്കുകയും ചെയ്തു എന്നാല് കുട്ടി വിസമ്മതം പ്രകടിച്ചത്തോടെ പ്രകോപിതയായ യുവതി ചവണ ചൂടാക്കി കുട്ടിയുടെ ജനനേന്ദ്രിയം പൊള്ളിക്കുകയായിരുന്നുവെന്ന് കുട്ടിയുടെ മാതാവ് പോലീസില് നല്കിയ പരാതിയില് പറയുന്നു.
യുവതിക്കെതിരെ ഇന്ത്യന് ശിക്ഷാനിയമത്തിലെ വിവിധ വകുപ്പുകള് പ്രകാരവും പോക്സോ നിയമപ്രകാരവും കേസെടുത്തതായി പൊലീസ് അറിയിച്ചു.വെള്ളിയാഴ്ച്ച നടന്ന സംഭവത്തില് ചൊവ്വാഴ്ചയാണ് പൊലീസില് പരാതി നല്കിയത്.
പരാതി നല്കാനുണ്ടായ കാലതാമസത്തെ കുറിച്ചും അന്വേഷിക്കുകയാണെന്ന് പൊലീസ് കൂട്ടിച്ചേര്ത്തു