പത്തനംതിട്ട: ശബരിമലയില് പ്രതിഷേധത്തിനൊരുങ്ങുന്നവരുടെ പട്ടിക തയാറാക്കാന് പോലീസ് തീരുമാനം. ഇതു സംബന്ധിച്ച് രഹസ്യാന്വേഷണ ഏജന്സികള്ക്കു പോലീസ് നേതൃത്വം നിര്ദേശം നല്കി.
പ്രതിഷേധത്തിനു തയാറെടുക്കുന്ന നേതാക്കളുടെയും പ്രവര്ത്തകരുടെയും വിവരങ്ങളാണ് പോലീസ് ശേഖരിക്കുന്നത്. വേണ്ടിവന്നാല് ഇവരെ കരുതല് തടങ്കലില് എടുക്കുന്നതിനുള്ള നടപടികള് ഉള്പ്പെടെ സ്വീകരിക്കാനാണ് തീരുമാനം.
നിലവില് സന്നിധാനവും പരിസരവുമെല്ലാം നിയന്ത്രണ വിധേയമാണങ്കിലും കൂടുതല് നേതാക്കളെത്തിയാല് സംഘര്ഷ സാധ്യതയെന്ന റിപ്പോര്ട്ടിന്റെ അടിസ്ഥാനത്തിലാണ് നടപടി. ശബരിമലയില് സന്നിധാനത്തേക്കെത്താന് ശ്രമിച്ചാല് തടഞ്ഞു തിരിച്ചയയ്ക്കാനും വഴങ്ങിയില്ലെങ്കില് അറസ്റ്റ് ചെയ്യാനുമാണ് തീരുമാനം.
ഇത്തരത്തില് പ്രതിഷേധിക്കാനായി വരുന്ന നേതാക്കളെ രഹസ്യാന്വേഷണ വിഭാഗം കര്ശനമായി നിരീക്ഷിക്കുന്നുണ്ട്. ഇതു സംബന്ധിച്ച് എല്ലാ ദിവസവും റിപ്പോര്ട്ട് നല്കാനും ഡിജിപി നിര്ദേശിച്ചു.
