സൗദി അറേബ്യ: ഫ്ലാറ്റില് അതിക്രമിച്ചു കയറി കത്തി കാട്ടി ഭീഷണിപ്പെടുത്തി സ്ത്രീകളെ ബലാല്സംഗം ചെയ്യുകയും പണവും ആഭരണവും മൊബൈല് ഫോണും കവരുകയും ചെയ്ത കേസില് സോമാലിയന് പൗരനെ ജിദ്ദയില് വധശിക്ഷക്ക് വിധേയനാക്കി. അബ്ദുല്ല അബൂബക്കര് സിദ്ദീഖ് എന്ന സോമാലിയന് പൗരനാണ് വധശിക്ഷ നല്കിയതെന്ന് ആഭ്യന്തര മന്ത്രാലയം അറിയിച്ചു. പുരുഷന്മാര് ജോലിക്ക് പോകുന്ന സമയത്താണ് ഇയാള് ഫ്ലാറ്റില് അതിക്രമിച്ചു കടന്നത്. കത്തി കാട്ടി ഭീഷണിപ്പെടുത്തി നാല് സ്ത്രീകളെ ബലാല്സംഗം ചെയ്തതായും കാശും ആഭരണവും മൊബൈല് ഫോണും കവര്ന്നതായുമാണ് ഇയാള്ക്കെതിരെ കേസുണ്ടായിരുന്നത്.