പാട്ന: പ്രധാനമന്ത്രി നരേന്ദ്ര മോദി പങ്കെടുക്കാനിരിക്കുന്ന സങ്കല്പ് യാത്രക്ക് മുന്നോടിയായി ബോംബ് ഭീഷണി. ഭീഷണി മുഴക്കിയ യുവാവിനെ പോലീസ് അറസ്റ്റ് ചെയ്തു. ബീഹാറിലെ പാട്നയിലാണ് സംഭവം. ഉദയന് റായ് എന്ന ആളെയാണ് അറസ്റ്റ് ചെയ്തത്. മാര്ച്ച് 3നാണ് നരേന്ദ്രമോദി പങ്കെടുക്കുന്ന സങ്കല്പ് യാത്ര പാട്നയില് നടക്കുന്നത്.
വാട്സാപ്പ് വഴിയാണ് ഗാന്ധി മൈതാനത്ത് നടത്താനിരിക്കുന്ന എന്ഡിഎയുടെ സങ്കല്പ് യാത്രയില് സ്ഫോടനം നടത്തുമെന്ന് ഉദയ് ഭീഷണി മുഴക്കിയത്. തുടര്ന്ന് ചൊവ്വാഴ്ച ഇയാളെ അറസ്റ്റ് ചെയ്യുകയും കോടതിയില് ഹാജരാക്കുകയും ചെയ്തു. ഇയാളെ14 ദിവസത്തെ ജുഡീഷ്യല് കസ്റ്റഡിയില് വിട്ടു.
ഉദയ്ക്കെതിരെ അപവാദ പ്രചരണം പരത്തുക, ഭീഷണി മുഴക്കുക, എന്നിവ ചുമത്തിയാണ് കേസ് രജിസ്റ്റര് ചെയ്തിരിക്കുന്നത്. സംഭവത്തിന്റെ പശ്ചാത്തലത്തില് ഇയാളുടെ സമൂഹമാധ്യമ അക്കൗണ്ടുകള് പോലീസ് പരിശോധിച്ചു വരികയാണ്.