തിരുവനന്തപുരം: വൈദ്യുതി ചാര്ജ് വര്ദ്ധന സംബന്ധിച്ച് വൈദ്യുതി റഗുലേറ്ററി കമ്മീഷന് ഉത്തരവ് തിരഞ്ഞെടുപ്പ് ഫലം വന്നശേഷം ഇറക്കും. ചാര്ജ് വര്ദ്ധന നടപ്പാക്കാനുള്ള റഗുലേറ്ററി കമ്മീഷന്റെ അന്തിമ യോഗം ചേരുകയും നടപടിക്രമങ്ങള് പൂര്ത്തിയാക്കുകയും ചെയ്തിരുന്നു. എന്നാല് തിരഞ്ഞെടുപ്പ് ഒരുക്കങ്ങള് തുടങ്ങിയതോടെ നിരക്ക് വര്ധന ഉത്തരവ് മാറ്റിവയ്ക്കുകയായിരുന്നു. ഉത്തരവിറങ്ങാന് കാലതാമസമുണ്ടായാലും മുന്കാല പ്രാബല്യത്തോടെയാകും ചാര്ജ് വര്ദ്ധന നടപ്പാക്കുന്നത്. ഗാര്ഹിക ഉപയോക്താക്കളുടെ ക്രോസ് സബ്സിഡി നിര്ത്തലാക്കാനും വ്യവസായത്തിനുള്ള വൈദ്യുതി വില കുറക്കാനുമുള്ള നിര്ദേശം ഉള്പ്പെടുത്തി കേന്ദ്ര സര്ക്കാര് കൊണ്ടുവന്ന വൈദ്യുതി ഭേദഗതി ബില്ള് പ്രകാരമാണ് വൈദ്യുതി ബോര്ഡ് അപേക്ഷസമര്പ്പിച്ചിരുന്നത്.
ആദ്യവര്ഷം സാധാരണ ഉപയോകതാക്കള്ക്ക് നല്കി വരുന്ന ക്രോസ് സബ്സിഡി 20 ശതമാനം കുറയ്ക്കാനും മൂന്നുവര്ഷംകൊണ്ട് സബ്സിഡി പൂര്ണമായി ഇല്ളാതാക്കാനും നിര്ദേശിക്കുന്ന അപേക്ഷയാണ് വൈദ്യുതി ബോര്ഡ് സമര്പ്പിച്ചിരുന്നത്. ഇതോടെ സബ്സിഡി ഇല്ളാത്ത വൈദ്യുതിയാകും ഗാര്ഹിക ഉപയോക്താക്കള്ക്ക് ലഭിക്കുക.