മലപ്പുറം: കോട്ടക്കലില് വാഹനപരിശോധക്കിടെ മോട്ടോര് വെഹിക്കിള് ഇന്സ്പെക്ടറെ ബൈക്ക് യാത്രികന് ഇടിച്ച് തെറിപ്പിച്ചു. മലപ്പുറം ആര്.ടി.ഒ യിലെ എം.വി.ഐ ആസിം (41) നാണ് പരിക്കേറ്റത്.
കോട്ടക്കല് ദേശീയപാതയില് രണ്ടത്താണിക്ക് സമീപം വാഹന പരിശോധന നടത്തുന്നതിനിടെയാണ് സംഭവം. എം.വി.ഐ കൈകാണിച്ചെങ്കിലും നിര്ത്താതെ പോയ ബൈക്ക് ആസിമിനെ ഇടിച്ച് തെറിപ്പിക്കുകയായിരുന്നു.തുടര്ന്ന് നിയന്ത്രണം വിട്ട വാഹനം എതിരെ വന്ന കാറിലിടിച്ച് മറിഞ്ഞു. ബൈക്കിലുണ്ടായിരുന്ന രണ്ടുപേര് പരിക്കേല്ക്കാതെ രക്ഷപ്പെട്ടു. തലക്കും കാലിനും പരിക്കേറ്റ ഉദ്യോഗസ്ഥനെ സ്വകാര്യ ആശുപത്രിയില് പ്രവേശിപ്പിച്ചു.
ബൈക്ക് പൊലീസ് കസ്റ്റഡിയിലെടുത്തു. സംഭവത്തില് െപാലീസ് കേസ് രജിസ്റ്റര് ചെയ്തിട്ടുണ്ട്.