സംഗ്ലി: ജമ്മുകശ്മീരിന് പ്രത്യേക പദവി നല്കുന്ന ആര്ട്ടിക്കിള് 370 റദ്ദാക്കിയതിലൂടെ പ്രധാനമന്ത്രി നരേന്ദ്ര മോദി ദേശീയ സുരക്ഷ ശക്തിപ്പെടുത്തിയെന്ന് കേന്ദ്ര ആഭ്യന്തര മന്ത്രി അമിത് ഷാ. ഇന്ത്യയുടെ ദേശസുരക്ഷ ശക്തിപ്പെട്ടു. വീരമൃത്യു വരിച്ച ഓരോ സൈനികെന്റയും ജീവന് പകരമായി പത്ത് ശത്രുക്കളുടെ ജീവനെടുക്കാന് നമുക്കാവുമെന്ന് ഇപ്പോള് ലോകത്തിനറിയാമെന്നും അമിത് ഷാ പറഞ്ഞു. മഹാരാഷ്ട്രയിലെ സംഗ്ലിയില് നിയമസഭാ തിരഞ്ഞെടുപ്പ് പ്രചാരണ പരിപാടിയില് സംസാരിക്കുകയായിരുന്നു അദ്ദേഹം.
ആര്ട്ടിക്കിള് 370-ാം റദ്ദാക്കിയതിനെതിരെ നടത്തുന്ന വിമര്ശനത്തിെന്റ പേരില് കോണ്ഗ്രസിനെ അമിത് ഷാ ശക്തമായ ഭാഷയില് വിമര്ശിച്ചു. കശ്മീരിെന്റ പ്രത്യേക പദവി റദ്ദാക്കിയതിനെ രാഹുല് ഗാന്ധിയും ശരദ് പവാറും അനുകൂലിക്കുന്നുണ്ടോ എന്ന കാര്യം അവര് വ്യക്തമാക്കണമെന്നും അദ്ദേഹം ആവശ്യപ്പെട്ടു.
മഹാരാഷ്ട്രയിലെ കോണ്ഗ്രസ്-എന്.സി.പി സഖ്യം സംസ്ഥാനത്തിന് എന്ത് നേട്ടമാണുണ്ടാക്കിയതെന്നും സംഗ്ലി ജില്ലയിലെ ജാട്ടില് നടന്ന റാലിയില് അമിത് ഷാ ചോദിച്ചു.