ന്യൂഡല്ഹി: കൊവിഡ് വ്യാപനം നിയന്ത്രിക്കുന്നതില് കേന്ദ്രസര്ക്കാരിനെ വിമര്ശിച്ച് കോണ്ഗ്രസ് നേതാവ് രാഹുല് ഗാന്ധി വീണ്ടും. രോഗവ്യാപനം നിയന്ത്രിക്കുന്നതില് സര്ക്കാരിന്റെ പദ്ധതിയെന്താണെന്നാണ് അദ്ദേഹത്തിന്റെ ചോദ്യം.
‘ഇത് ന്യായമായ ചോദ്യമാണ്. എന്നാല് സര്ക്കാരിന്റെ മറുപടിക്കായി രാജ്യം എത്രനാള് കാത്തിരിക്കേണ്ടി വരും’- അദ്ദേഹം ചോദിക്കുന്നു. ഇന്നത്തെ മന് കി ബാത് പരിപാടിയില് കൊവിഡ് പ്രതിരോധ പദ്ധതിയെപ്പറ്റി പറയുമെന്ന് പ്രതീക്ഷിക്കുന്നുവെന്നും അദ്ദേഹം ട്വീറ്റ് ചെയ്തു.
ഇതോടൊപ്പം കൊവിഡ് വാക്സിന് വേണ്ടി 80,000 കോടി നീക്കിവയ്ക്കാന് സര്ക്കാരിനാകുമോയെന്ന സെറം മേധാവിയുടെ ചോദ്യത്തിന്റെ വാര്ത്തയുടെ സ്ക്രീന് ഷോട്ടും രാഹുല് ഗാന്ധി പങ്കുവെച്ചിട്ടുണ്ട്.