തിരുവനന്തപുരം: ഉദ്യോഗസ്ഥര് കോവിഡ് പ്രോട്ടോക്കോള് പാലിക്കണമെന്ന് ആരോഗ്യമന്ത്രി കെ കെ ശൈലജ. ആദ്യഘട്ട തദ്ദേശ വോട്ടെടുപ്പിനുള്ള പോളിംഗ് സാമഗ്രികള് വിതരണം ചെയ്യുന്ന തിരുവനന്തപുരത്തെ കേന്ദ്രത്തില് തിക്കുംതിരക്കും അനുഭവപ്പെട്ടതിന് പിന്നാലെയാണ് ആരോഗ്യമന്ത്രിയുടെ പ്രതികരണം.
സാമഗ്രി വിതരണത്തിലും കോവിഡ് മാനദണ്ഡങ്ങള് ഉറപ്പാക്കണമെന്നും ജാഗ്രതകുറവ് പാടില്ലെന്നും മന്ത്രി പറഞ്ഞു.
നാലാഞ്ചിറ സര്വോദയ വിദ്യാലയത്തിലെ വിതരണ കേന്ദ്രത്തിലാണ് കോവിഡ് മാനദണ്ഡങ്ങള് ലംഘിച്ച് തിരക്ക് രൂപപ്പെട്ടത്. പോളിംഗ് സാമഗ്രികള് കൈപ്പറ്റാനെത്തിയ ഉദ്യോഗസ്ഥര്ക്ക് സാമൂഹിക അകലം പാലിക്കാനായില്ല.