കല്പറ്റ: നിലമ്ബൂര് -നഞ്ചന്കോട്, തലശ്ശേരി -മൈസൂര് റെയില്വേ ലൈനുകളുടെ വിശദമായ പദ്ധതി റിപ്പോര്ട്ട് (ഡി.പി.ആര്) തയാറാക്കുന്നതിന് പരിശോധന ആരംഭിച്ചു.
കേരള റെയില് ഡെവലപ്മെന്റ് കോര്പറേഷന് ലിമിറ്റഡിലെയും കണ്സള്ട്ടന്സി സിസ്ട്രയുടെയും ഉദ്യോഗസ്ഥര് കല്പറ്റയില് പരിശോധന നടത്തി.
രണ്ട് മാസത്തിനകം ഡി.പി.ആര് നടപടി പൂര്ത്തിയാക്കുമെന്ന് സി.കെ. ശശീന്ദ്രന് എം.എല്. എ അറിയിച്ചു. റെയില് ഡെവലപ്മെന്റ് കോര്പറേഷന് ലിമിറ്റഡ് സീനിയര് ഡി .ജി. എം കെ. കെ. സലീം, സെക്ഷന് എന്ജിനീയര്മാരായ എസ്. പ്രശാന്ത്, ധനേഷ് അരവിന്ദ്, സിസ്ട്രാ അലൈന്മെന്റ് എന്ജിനീയര് െബഹ്റ എന്നിവരടങ്ങിയ സംഘമാണ് തിങ്കളാഴ്ച കല്പറ്റയില് പരിശോധന നടത്തിയത്.
ഇരു ലൈനുകളും കല്പറ്റയില് ബന്ധിപ്പിച്ച് മീനങ്ങാടി -ബത്തേരി വഴി കര്ണാടകയിലേക്ക് പോകുന്ന രീതിയിലാണ് നിശ്ചയിച്ചിട്ടുള്ളത്. മണിയങ്കോടിനും കൈനാട്ടിക്കും ഇടയിലാവും ജങ്ഷന് വരിക.