ടൂള് കിറ്റ് കേസില് അറസ്റ്റിലായ പരിസ്ഥിതി പ്രവര്ത്തക ദിഷ രവിയുടെ അറസ്റ്റിനെ ന്യായീകരിച്ച് കേന്ദ്ര ആഭ്യന്തരമന്ത്രി അമിത് ഷാ. പ്രായത്തെ നടപടി ഒഴിവാക്കാനുള്ള മറയാക്കാനാവില്ലെന്ന് അമിത് ഷാ പറഞ്ഞു. 21കാരിയായ ദിഷ രവിയുടെ അറസ്റ്റില് പ്രതിഷേധം ഉയരുന്നതിനിടെയാണ് അഭിപ്രായ പ്രകടനം. ഡല്ഹി പോലീസിനു മേല് രാഷ്ട്രീയ സമ്മര്ദ്ദമില്ലെന്നും അമിത് ഷാ പറഞ്ഞു.
അതേസമയം, ദിഷ രവിയുടെ കസ്റ്റഡി കാലാവധി ഇന്ന് അവസാനിക്കും. ദിഷയെ പാട്യാല ഹൗസ് കോടതിയില് ഹാജരാക്കി പൊലീസ് കൂടുതല് ദിവസത്തെ കസ്റ്റഡി ആവശ്യപ്പെടുമെന്നാണ് വിവരം. ജാമ്യം നല്കണമെന്ന് ആവശ്യപ്പെട്ട് ദിഷ നല്കിയ ഹരജിയും കോടതി ഇന്ന് പരിഗണിക്കും. എഫ്.ഐ.ആര് വിവരങ്ങള് ചോര്ത്തിയ മാധ്യമങ്ങള്ക്കെതിരെ നടപടി ആവശ്യപ്പെട്ട് ദിഷ രവി ഡല്ഹി ഹൈകോടതിയില് നല്കിയ ഹര്ജിയും പരിഗണിക്കും.