തിരുവനന്തപുരം: കേരളത്തില്‍ വരും നാളുകളില്‍ മഴ ശക്തമാകും.അഞ്ചു ദിവസത്തോളം ശക്തമായ കാറ്റോടു കൂടിയ മഴയുണ്ടാകുമെന്നാണ് കാലാവസ്ഥാ നീരിക്ഷണകേന്ദ്രത്തിന്റെ മുന്നറിയിപ്പ്.നാളെ (മെയ് 14) തിരുവനന്തപുരം,കൊല്ലം,പത്തനംതിട്ട ജില്ലകളില്‍ റെഡ് അലര്‍ട്ട് പ്രഖ്യാപിച്ചിട്ടുണ്ട്.15 ന് മലപ്പുറം,കോഴിക്കോട്,വയനാട്,കണ്ണൂര്‍,കാസര്‍കോട് ജില്ലകളിലും റെഡ് അലര്‍ട്ടുണ്ട്. കാറ്റില്‍ മരങ്ങള്‍ പൊട്ടിവീഴാന്‍ സാധ്യതയുള്ളതിനാല്‍ റോഡില്‍ ഗതാഗത തടസമുണ്ടായേക്കാം.വിവിധ ജില്ലകളില്‍ ദുരന്തനിവാരണ സേനയെ രംഗത്തിറക്കും.സംസ്ഥാനത്ത് കടല്‍ക്ഷോഭമുണ്ടാകുമെന്നും മുന്നറിയിപ്പുണ്ട്.