കല്പറ്റ: വയനാട് പാര്ലമെന്റ് മണ്ഡലത്തിലെ മലയോര മേഖലയിലെ മൊബൈല് നെറ്റ്വര്ക്ക് പ്രശ്നം ചൂണ്ടിക്കാട്ടി കേന്ദ്ര വിനിമയ മന്ത്രി രവിശങ്കര് പ്രസാദിന് രാഹുല് ഗാന്ധി എം.പി കത്തയച്ചു. പ്രശ്നം പരിഹരിക്കുന്നതിന് അടിയന്തിരമായി ഇടപെടണമെന്ന് കത്തിലൂടെ രാഹുല് ആവശ്യപ്പെട്ടു.
മൊബൈല് നെറ്റ്വര്ക്കിെന്റ അപര്യാപ്ത മൂലം പാര്ലമെന്റ് മണ്ഡലത്തിലെ വനാതിര്ത്തി മേഖലയിലെ കുട്ടികള് അടക്കമുള്ളവര്ക്ക് ഓണ്ലൈന് പഠനത്തിന് തടസ്സം നേരിടുന്നുണ്ട്. ഇന്റര് നെറ്റ് കവറേജിെന്റ അപര്യാപ്തതമൂലം ഗോത്ര വിദ്യാര്ഥികളക്കമുള്ളവര്ക്ക് നെറ്റ്വര്കിനായി ദീര്ഘദൂരം സഞ്ചരിക്കേണ്ടി വരുന്നു. ഇന്റര്നെറ്റ് അഭാവം മൂലം ഓണ്ലൈന് പഠനം മുടങ്ങുന്നത് വിദ്യാര്ഥികളെ സാരമായി ബാധിക്കും. അതുകൊണ്ടുതന്നെ മൊബൈല് നെറ്റ്വര്ക്, ഇന്റര് നെറ്റ് സംവിധാനങ്ങള് ഏര്പ്പെടുത്താന് അടിയന്തര ഇടപെടല് വേണമെന്ന് രാഹുല് ആവശ്യപ്പെട്ടു.