കൊച്ചി: ഹൈക്കോടതിയിലും തിരുവനന്തപുരം വഞ്ചിയൂര് കോടതിയിലുമുണ്ടായ അനിഷ്ട സംഭവങ്ങളെ തുടര്ന്ന് മാധ്യമപ്രവര്ത്തകരെ കോടതികളില് നിന്നും വിലക്കിയ സംഭവത്തില് പ്രസ് കൗണ്സില് ഓഫ് ഇന്ത്യ ഇടപെടുന്നു. ഇത്തരമൊരു വിലക്കുണ്ടോ എന്ന് ആരാഞ്ഞ് പ്രസ് കൗണ്സില് ഹൈക്കോടതി രജിസ്ട്രാര്ക്കും ചീഫ് സെക്രട്ടറിക്കും കത്തയച്ചു. വിലക്കുണ്ടെങ്കില് സര്ക്കാര് എന്തു നടപടി വിഷയത്തില് സ്വീകരിച്ചുവെന്നും ഹൈക്കോടതി ചീഫ് സെക്രട്ടറിക്ക് അയച്ച കത്തില് ചോദിച്ചിട്ടുണ്ട്. രണ്ടാഴ്ചയ്ക്കകം മറുപടി നല്കണമെന്നാണ് നോട്ടീസില് പറയുന്നത്. മുന് എംപി സെബാസ്റ്റ്യന് പോള് നല്കിയ പരാതിയിലാണ് പ്രസ് കൗണ്സില് നടപടി.