വൈത്തിരി: കോളജ് വിദ്യാര്ഥികള് സഞ്ചരിച്ച ബൈക്കില് ലോറിയിടിച്ച് ഗുരുതരാവസ്ഥയില് മെഡിക്കല് കോളജ് ആശുപത്രിയില് ചികിത്സയിലായിരുന്ന വിദ്യാര്ഥി മരിച്ചു. വേങ്ങര ചേറൂര് കിളിനിക്കോട്ടെ ചെങ്കടവലത്ത് അബുവിെന്റ മകന് മുഹമ്മദ് നൂറുദ്ദീന്(21) ആണ് മരിച്ചത്. ലക്കിടിയിലെ വയനാട് ഓറിയന്റല് സ്കൂള് ജേണലിസം അവസാന വര്ഷ വിദ്യാര്ഥിയാണ്.
കഴിഞ്ഞ ദിവസം നടന്ന അപകടത്തില് ഒാറിയന്റല് സ്കൂള് ഓഫ് ഹോട്ടല് മാനേജ്മെന്റ് ബി.ടി.ടി.എം അവസാനവര്ഷ വിദ്യാര്ഥി കാഞ്ഞങ്ങാട് കൊളവയല് പാലക്കിയിലെ അബ്ദുല് കരീമിെന്റയും ആരിഫയുടെയും മകന് മുഹമ്മദ് സഫ്വാന്(21) സംഭവസ്ഥലത്തു തന്നെ മരിച്ചിരുന്നു.
വെള്ളിയാഴ്ച ഉച്ചക്ക് തളിപ്പുഴ പള്ളിയില് ജുമുഅ നമസ്കാരം കഴിഞ്ഞ് കോളജിലേക്ക് മടങ്ങുന്നതിനിടെ പൂക്കോട് വെറ്ററിനറി സര്വകലാശാലക്ക് തൊട്ടടുത്തുള്ള വളവില്വെച്ചാണ് ഇവര് സഞ്ചരിച്ച ബൈക്കില് എതിരെവന്ന കര്ണാടക രജിസ്ട്രേഷനുള്ള ലോറിയിടിച്ചത്. മറ്റൊരു വാഹനത്തെ മറികടന്നു അതിവേഗതയിലെത്തിയ ലോറി ബൈക്കില് ഇടിക്കുകയായിരുന്നു. ഇടിയുടെ ആഘാതത്തില് റോഡിലേക്ക് തെറിച്ചുവീണ ഇരുവരുടെയും തലക്കാണ് പരിക്കേറ്റത്. ഉടന്തന്നെ നാട്ടുകാര് കല്പറ്റയിലെ സ്വകാര്യ ആശുപത്രിയില് എത്തിച്ചെങ്കിലും സഫ്വാന് മരണപ്പെട്ടു.