ബംഗളൂരു: പോപുലര് ഫ്രണ്ട് ഒാഫ് ഇന്ത്യ (പി.എഫ്.ഐ) നിരോധനത്തില് നിലപാട് വ്യക്തമാക്കി കര്ണാടക മുഖ്യമന്ത്രി സിദ്ധരാമയ്യ. കര്ണാടകയില് പോപുലര് ഫ്രണ്ടിനെ നിരോധിക്കേണ്ട സാഹചര്യമില്ലെന്ന് സിദ്ധരാമയ്യ മാധ്യമങ്ങളോട് പറഞ്ഞു.
കഴിഞ്ഞ ദിവസം ഝാര്ഖണ്ഡ് സര്ക്കാര് പോപുലര് ഫ്രണ്ടിനെ നിരോധിച്ചിരുന്നു. ഐ.എസുമായി ബന്ധമുണ്ടെന്ന് ആരോപിച്ചായിരുന്നു ഝാര്ഖണ്ഡ് സര്ക്കാറിന്റെ നടപടി.
നേരത്തെ പി.എഫ്.ഐ നിരോധിക്കണമെന്ന് കേരളം കേന്ദ്രത്തോട് ആവശ്യപ്പെട്ടതായി വാര്ത്തകള് പുറത്തുവന്നിരുന്നു. എന്നാല് ഇക്കാര്യം മുഖ്യമന്ത്രി പിണറായി വിജയന് നിഷേധിച്ചിരുന്നു. നിരോധിക്കുകയാണെങ്കില് ആദ്യം നിരോധിക്കേണ്ടത് ആര്.എസ്.എസിനെയാണെന്നായിരുന്നു മുഖ്യമന്ത്രിയുടെ പ്രതികരണം.