കോഴിക്കോട്: ശബരിമല സ്ത്രീ പ്രവേശന വിഷയത്തില് പ്രത്യേക നിയമസഭാ സമ്മേളനം ആവശ്യമില്ലെന്ന് സിപിഐ സംസ്ഥാന സെക്രട്ടറി കാനം രാജേന്ദ്രന്. നിയമനിര്മ്മാണം നടത്താമെന്ന ബിജെപി സംസ്ഥാന പ്രസിഡന്റ് പി.എസ് ശ്രീധരന് പിള്ളയുടെ അഭിപ്രായം പരിചയക്കുറവ് കാരണമെന്നും കാനം പറഞ്ഞു.
ശബരിമല വിഷയത്തില് രാഷ്ട്രീയ നഷ്ടം സംഭവിക്കാന് പോകുന്നത് കോണ്ഗ്രസ്സിനാണ്. സര്ക്കാറിനെ അട്ടിമറിക്കാനുള്ള ശ്രമങ്ങളാണ് പ്രതിപക്ഷ കക്ഷികള് നടത്തുന്നതെന്നും കാനം വ്യക്തമാക്കി.