ന്യൂഡല്ഹി: ബിജെപിയെ വെട്ടിലാക്കി ബിഡിജെഎസ്. തുഷാര് വെള്ളാപ്പള്ളി ലോക്സഭാ തെരഞ്ഞെടുപ്പില് മത്സരിക്കണമെന്ന ബിജെപിയുടെ സമ്മര്ദത്തിനു മറുതന്ത്രവുമായി ബിഡിജെഎസ് രംഗത്ത്. തുഷാര് മത്സരിക്കണമെങ്കില് രാജ്യസഭാ സീറ്റ് നല്കണമെന്ന് ബിഡിജെഎസ് ആവശ്യപ്പെട്ടതായാണ് സൂചന.
തൃശൂരില് താന് തോറ്റാലും രാജ്യസഭ സീറ്റ് നല്കണമെന്ന് തുഷാര് ബിജെപി കേന്ദ്രനേതൃത്വത്തോട് ആവശ്യപ്പെട്ടതായാണ് വിവരം. അതേസമയം കേന്ദ്രനേതൃത്വം ഇക്കാര്യത്തില് യാതൊരു ഉറപ്പും നല്കിയിട്ടില്ലെന്നാണ് സൂചന. താന് മത്സരിക്കുന്ന കാര്യം തീരുമാനമായില്ലെന്ന് തുഷാര് നേരത്തെ പറഞ്ഞിരുന്നു. സമ്മര്ദം ശക്തമാക്കി തുഷാര് ഡല്ഹിയില് തുടരുകയാണ്.
തുഷാര് മത്സരിക്കണമെന്ന് പ്രധാനമന്ത്രി നരേന്ദ്ര മോദിയും ബിജെപി ദേശീയ അധ്യക്ഷന് അമിത് ഷായും ആവശ്യപ്പെട്ടിരുന്നു. തുഷാര് മത്സരിക്കുന്നത് ഗുണകരമാകുമെന്നാണ് ബിജെപി വിലയിരുത്തല്.
നിര്ണായക തെരഞ്ഞെടുപ്പ് ആയതിനാല് തുഷാര് സ്ഥാനാര്ഥിയാകുന്നതാണ് നല്ലതെന്നാണ് അമിത് ഷായുടെ വിലയിരുത്തല്.