ന്യൂഡല്ഹി: കോണ്ഗ്രസ് തകര്ന്നുകൊണ്ടിരിക്കുകയാണെന്നും ദേശീയ തലത്തില് പുതിയ ബദല് വേണമെന്നും ആവശ്യപ്പെട്ട് എ.എ.പി നേതാവും ഡല്ഹി മുഖ്യമന്ത്രിയുമായ അരവിന്ദ് കെജ്രിവാള്.
”കോണ്ഗ്രസ് തകര്ന്നുകൊണ്ടിരിക്കുകയോ തകര്ന്നിരിക്കുകയോ ചെയ്തിരിക്കുന്നു. കോണ്ഗ്രസിന് നാഥനില്ല. ബി.ജെ.പിയില് അസംതൃപ്തിയുള്ളവര് കോണ്ഗ്രസിന് വോട്ട് ചെയ്യും. പക്ഷേ കോണ്ഗ്രസ് നേതാക്കള് ബി.ജെ.പിയുമായി സഹകരിച്ച് സര്ക്കാറുണ്ടാക്കും. നമുക്ക് കോണ്ഗ്രസിന് പകരം ദേശീയ തലത്തില് പുതിയ ബദല് വേണം” -കെജ്രിവാള് അഭിപ്രായപ്പെട്ടു.
ഡല്ഹി സര്ക്കാര് ദീവാലി ലക്ഷ്മി പൂജ നടത്തുന്നത് മൃദുഹിന്ദുത്വമല്ലേ എന്ന ചോദ്യത്തിന് കെജ്രിവാളിെന്റ മറുപടി ഇങ്ങനെ : ”പൂജനടത്തുന്നതിന് ആളുകള് എന്തിനാണ് എതിരുനില്ക്കുന്നതെന്ന് എനിക്ക് മനസ്സിലാകുന്നില്ല. ഭക്തി ഒരു നല്ല കാര്യമാണ്. നിങ്ങളുടെ ലിബറല് സുഹൃത്തുക്കളോടും പൂജ നടത്താന് പറയൂ. അവര്ക്കും നല്ല സമാധാനം കിട്ടും”.
ഹിന്ദുസ്ഥാന് ടൈംസ് ലീഡേഴ്സ് സമ്മിറ്റിനിടെയായിരുന്നു കെജ്രിവാളിെന്റ അഭിപ്രായ പ്രകടനങ്ങള്.