തിരുവനന്തപുരം: മുന് മന്ത്രിയും എംഎല്എയുമായ ഗണേഷിനെതിരെ ഗുരുതര ആരോപണങ്ങളുയര്ത്തി പ്രതി ബിജു രാധാകൃഷ്ണന്. ഗണേഷ്കുമാറിനെതിരെ കേസെടുക്കണമെന്ന് പ്രതി ആവശ്യപ്പെട്ടു.. ഗണേഷിനെതിരെ സിഡി അടക്കമുള്ള തെളിവുകള് തന്റെ പക്കലുണ്ട്. ഇവ അന്വേഷണ സംഘത്തിനു കൈമാറാന് താന് തയാറാണ്. ഉമ്മന് ചാണ്ടി സര്ക്കാര് തന്നെ ബലിയാടാക്കുകയായിരുന്നു. രശ്മിക്കേസില് പ്രതിയാക്കിയത് അതിനുവേണ്ടിയാണെന്നും ബിജു ആരോപിച്ചു.
അതേസമയം, പുതിയ ആരോപണവുമായി സരിത എസ്. നായര് വീണ്ടും രംഗത്തെത്തി. സോളര് കേസുമായി ബന്ധപ്പെട്ടല്ലാതെയും താന് ചൂഷണത്തിനിരയായിട്ടുണ്ട്. ഇതു ചൂണ്ടിക്കാട്ടി കേന്ദ്രമന്ത്രിയുടെ മകനടക്കം ആറുപേര്ക്കെതിരെ പരാതി നല്കിയിട്ടുണ്ട്. പുതിയ അന്വേഷണസംഘത്തിനു മുന്നില് ഇക്കാര്യം പറയുമെന്നും സരിത വ്യക്തമാക്കി.