തൃശ്ശൂര്:യാത്രക്കിടെ വനിതാഡോക്ടര് ട്രെയിനില് നിന്ന് വീണുമരിച്ചു. പത്തനംതിട്ട കൂടല് മുരളീസദനത്തില് ഡോ. അനൂപ് മുരളീധരന്റെ ഭാര്യ ഡോ. തുഷാര(38)യാണ് മരിച്ചത്. കോന്നി കല്ലേലി ഗവ. ആയുര്വേദ ആശുപത്രിയിലെ മെഡിക്കല് ഓഫീസറാണ് തുഷാര.
ചൊവ്വാഴ്ച പുലര്ച്ചെ രണ്ടരയോടെ തിരുവനന്തപുരത്തു നിന്ന് മംഗളൂരുവിലേക്കു പോയ മലബാര് എക്സ്പ്രസിലാണ് സംഭവം. കണ്ണൂരിലെ സ്വന്തം വീട്ടിലേക്ക് മൂന്നു മക്കളെയും സഹായിയായ സ്ത്രീയെയും കൂട്ടി പോവുകയായിരുന്നു തുഷാര. രാത്രി ശൗചാലയത്തില് പോയപ്പോള് അബദ്ധത്തില് പുറത്തേക്ക് വീണതാകാമെന്നാണ് പോലീസിന്റെ നിഗമനം. തൃശ്ശൂര് കോലഴി പോട്ടോറിലാണ് ചൊവ്വാഴ്ച പകലാണ് റെയില്പ്പാളത്തില് തുഷാരയുടെ മൃതദേഹം കണ്ടെത്തിയത്.