ഇന്ന് പത്രസമ്മേളനത്തിനിടെ മുഖ്യമന്ത്രി പറഞ്ഞ ഒക്ക ചങ്ങായി എന്ന വാക്കാണ് ഇപ്പോള് സോഷ്യല് മീഡിയ ചര്ച്ച ചെയ്യുന്നത്. ശബരിമലയുമായി ബന്ധപ്പെട്ട് നടന്ന പത്രസമ്മേളനത്തിനിടെയാണ് മുഖ്യമന്ത്രി പിണറായി വജയന്റെ “ഒക്കചങ്ങായി” പരാമര്ശം. ‘ഇവര് ഈ കോണ്ഗ്രസുകാര് ബിജെപിയുടെ “ഒക്കചങ്ങായി” ആയി നടക്കുവാണല്ലോ എന്നായിരുന്നു അദ്ദേഹം പറഞ്ഞത്. എന്നാല് എന്താണ് ഈ ഒക്ക ചങ്ങായി എന്ന വാക്കിന്റെ അര്ത്ഥം വ്യക്തമാക്കുകയാണ് മാധ്യമപ്രവര്ത്തകന് സനീഷ് ഇളയിടത്ത്. ഒക്കചങ്ങായിയെ കുറിച്ച് സനീഷ് എഴുതിയ ഫേസ്ബുക്ക് കുറിപ്പ് വായിക്കാം
”ഇവര്, ഈ കോണ്ഗ്രസ്സുകാര് ബിജെപിയുടെ ഒക്കച്ചങ്ങായി ആയി നടക്കുകയാണല്ലോ”.
ഇങ്ങനൊരു വാചകമുണ്ടായിരുന്നു മുഖ്യമന്ത്രിയുടെ വാര്ത്താസമ്മേളനത്തില്. ആ ഒക്കച്ചങ്ങായി എന്ന പ്രയോഗം പ്രത്യേകം ശ്രദ്ധിക്കേണ്ടത്.
തലശ്ശേരി, പാനൂര് സമീപ പ്രദേശങ്ങളിലൊക്കെ കല്യാണദിവസം കല്യാണച്ചെറുക്കന്റെ സുഹൃദ്പദവി ഏറ്റെടുക്കുന്നയാളെ വിളിക്കുന്ന പേരാണ് ഒക്കച്ചങ്ങായ് .സാദാ ചങ്ങായി അല്ല. ചെറുക്കന് കുളിച്ച് കുപ്പായമിടുന്ന സമയം തൊട്ട് ഇയാള് ഒപ്പമുണ്ടാകും,ചെറുക്കന് പൗഡറൊക്കെ ഇട്ട് കൊടുക്കുന്നത് ഈ ചങ്ങായ് ആയിരിക്കും.
പ്രിയപ്പെട്ട ശ്രീധരന്പിള്ള,രമേശ് ചെന്നിത്തല ഇമ്മാതിരി തേപ്പ് തന്നെ തിരിച്ച് പിണറായിയെയും തേച്ച് വാര്ത്താസമ്മേളനങ്ങള് നടത്തണമെന്ന് അഭ്യര്ഥിക്കുന്നു. സിപീഎമ്മാരുടെ നവോത്ഥാനവര്ത്തമാനങ്ങളും സംഘൂസിന്റെ മണ്ടത്തരങ്ങളും മാത്രം പോരല്ലോ. ഇമ്മാതിരി രസികന്പ്രയോഗങ്ങള് കൂടെ വരട്ടെ.