തൃശ്ശുര്: ലോകസഭാ തെരഞ്ഞെടുപ്പില് ബിജെപി സ്ഥാനാര്ഥികളുടെ പട്ടിക ഫെബ്രുവരി രണ്ടാം വാരത്തോടെ തയ്യാറാവുമെന്ന് ബിജെപി ജനറല് സെക്രട്ടറി കെ.സുരേന്ദ്രന്. സംസ്ഥാനത്ത് ആകെയുള്ള ഇരുപത് ലോക്സഭാ സീറ്റുകളില് പതിനെട്ട് എണ്ണത്തിലും എന്ഡിഎയ്ക്ക് വിജയപ്രതീക്ഷയുണ്ട്. മലപ്പുറം, പൊന്നാനി സീറ്റുകളില് ജയിക്കാമെന്ന് പാര്ട്ടി കരുതുന്നില്ലെന്നും സുരേന്ദ്രന് പറഞ്ഞു.
ബിഡിജെഎസുമായുള്ള സീറ്റ് വിഭജന ചര്ച്ചകള് ഉടന് പൂര്ത്തിയാക്കും. എന്ഡിഎയിലോ ബിജെപിയിലോ സീറ്റിനായി അടിപിടി ഉണ്ടാവില്ലെന്നും അടുത്ത നിയമസഭാ തെരഞ്ഞെടുപ്പിനുള്ള ട്രയല് റണ് ആണ് ലോക്സഭാ തെരഞ്ഞെടുപ്പെന്നും കെ സുരേന്ദ്രന് പറഞ്ഞു. ഫെബ്രുവരി 5 നകം എല്ലാ ബൂത്തിലും തെരഞ്ഞെടുപ്പ് കമ്മിറ്റി രൂപീകരിക്കും. എന്റെ കുടുംബം, ബി ജെ പി കുടുംബം എന്ന പ്രചാരണ പരിപാടി സംസ്ഥാന വ്യാപകമായി നടത്തും.