വൈത്തിരി: വയനാട്ടിലെ വൈത്തിരിയിലുണ്ടായ ഏറ്റുമുട്ടലില് കൊല്ലപ്പെട്ടത് മാവോയിസ്റ്റ് നേതാവ് സി പി ജലീലെന്ന് സൂചന. സമീപത്തെ കാട്ടിലേക്ക് ഓടിയ മാവോയിസ്റ്റുകള്ക്കായി തിരച്ചില് ഊര്ജ്ജിതമാക്കി. ഒരാളെ കസ്റ്റഡിയിലെടുത്തെന്ന് റിപ്പോര്ട്ടുകളുണ്ട്.
റിസോര്ട്ടിലെത്തിയ മാവോയിസ്റ്റുകള് പണവും ഭക്ഷണവും ആവശ്യപ്പെട്ട് റിസോര്ട്ട് ഉടമയുമായി തര്ക്കത്തില് ഏര്പ്പെടുകയായിരുന്നു. സംഭവ സ്ഥലത്തുണ്ടായിരുന്ന പോലീസ് സംഘം ഇവരെ തിരിച്ചറിഞ്ഞതോടെ സായുധ സേനാ വിഭാഗമായ തണ്ടര് ബോള്ട്ടിനെ വിവരം അറിയിക്കുകയായിരുന്നു. ഏറ്റുമുട്ടലില് രണ്ട് പോലീസുകാര്ക്കും പരുക്കേറ്റതായി സൂചനയുണ്ട്