കുവൈത്ത് സിറ്റി: ജനത കള്ച്ചറല് സെന്റര് (ജെ.സി.സി) കുവൈത്ത് ഒമ്ബതാമത് വൈക്കം മുഹമ്മദ് ബഷീര് അവാര്ഡ് ചെറുകഥാകൃത്ത് കെ. രേഖക്ക്. പ്രശസ്തിപത്രവും, ശില്പവും 25,000 രൂപയുമടങ്ങുന്നതാണ് അവാര്ഡ്. ചലച്ചിത്ര സംവിധായകന് ബാലു കിരിയത്ത് ചെയര്മാനും നാടകകൃത്ത് ഫ്രാന്സിസ് ടി. മാവേലിക്കര, സാഹിത്യകാരനും ചലച്ചിത്ര സംവിധായകനുമായ പ്രമോദ് പയ്യന്നൂര് എന്നിവരടങ്ങിയ ജൂറിയാണ് പുരസ്കാര ജേതാവിനെ തിരഞ്ഞെടുത്തത്. മുന് വര്ഷങ്ങളില് എം.പി. വീരേന്ദ്രകുമാര്, എം.പി. അബ്ദുസ്സമദ് സമദാനി, ജോണി ലൂക്കോസ്, സി. രാധാകൃഷ്ണന്, ജോണ് ബ്രിട്ടാസ്, അടൂര് ഗോപാലകൃഷ്ണന്, ഡോ. ഡി. ബാബുപോള്, നെടുമുടി വേണു എന്നിവരാണ് പുരസ്കാരം നേടിയത്.
കോവിഡ് മാനദണ്ഡങ്ങള് പാലിച്ച് ഡിസംബറില് കേരളത്തില് അവാര്ഡ്ദാന ചടങ്ങ് നടത്തുമെന്ന് ബാലു കിരിയത്ത്, പ്രമോദ് പയ്യന്നൂര്, ജെ.സി.സി മിഡില് ഈസ്റ്റ് കമ്മിറ്റി പ്രസിഡന്റ് സഫീര് പി. ഹാരിസ്, ജെ.പി.സി.സി സംസ്ഥാന പ്രസിഡന്റ് ഷംഷാദ് റഹിം എന്നിവര് അറിയിച്ചു.