ന്യൂഡല്ഹി: ശ്രീലങ്കന് പ്രധാനമന്ത്രി റനില് വിക്രമസിംഗെ ഇന്ത്യയിലെത്തി. ഇന്ന് അദ്ദേഹം പ്രധാനമന്ത്രി നരേന്ദ്ര മോദിയുമായി കൂടിക്കാഴ്ച നടത്തും. ഇരു രാജ്യങ്ങളും തമ്മിലുള്ള സഹകരണം ശക്തമാക്കുന്നതിനുള്ള പദ്ധതികള് സംബന്ധിച്ച് ഇരു നേതാക്കളും ചര്ച്ച നടത്തുമെന്നാണ് വിവരം. ത്രിദിന സന്ദര്ശനത്തിനായി ഇന്ത്യയിലെത്തിയ ശ്രീലങ്കന് പ്രധാനമന്ത്രി രാഷ്ട്രപതി പ്രണബ് മുഖര്ജിയുമായും കൂടിക്കാഴ്ച നടത്തും. വിദേശകാര്യമന്ത്രി സുഷമ സ്വരാജിനെയും മറ്റ് നയതന്ത്ര പ്രതിനിധികളെയും സന്ദര്ശിക്കുന്ന വിക്രമസിംഗെ, രാജ്യ തലസ്ഥാനത്ത് വ്യാഴാഴ്ച ആരംഭിക്കുന്ന ഇന്ത്യ സാമ്പത്തിക ഉച്ചകോടിയിലും പങ്കെടുക്കും.