ചെന്നൈ: അണ്ണാ ഡിഎംകെ ജനറല് സെക്രട്ടറിയായി ശശികല അധികാരമേറ്റതില് പ്രതിഷേധിച്ച് ആത്മഹത്യാ ശ്രമം. എഡിഎംകെ പ്രവര്ത്തകനായ കെ. ശിവാജി ആനന്ദാണ് ജീവനൊടുക്കാന് ശ്രമിച്ചത്. ശനിയാഴ്ച വൈകുന്നേരം ജയലളിത സ്മാരകത്തിനു സമീപമായിരുന്നു സംഭവം. എലിവിഷം കഴിച്ച് അവശനിലയിലായ ആനന്ദിനെ സമീപത്തെ ആശുപത്രിയില് പ്രവേശിപ്പിച്ചു. ഇയാളുടെ പോക്കറ്റില്നിന്നും ലഭിച്ച ആത്മഹത്യാ കുറിപ്പില് ശശികലയുടെ സ്ഥാനാരോഹണമാണ് ജീവനൊടുക്കാന് പ്രേരിപ്പിച്ചതെന്ന് പറയുന്നു.