പുതുവത്സരദിനത്തില്‍ ജില്ലാ ലേബര്‍ ഓഫീസിലെ ജീവനക്കാര്‍ കോട്ടപ്പറമ്പിലെ സ്ത്രീകളുടെയും കുട്ടികളുടെയും ആശുപത്രിയില്‍ രക്തദാനവും ഇതരസംസ്ഥാന തൊഴിലാളികള്‍ക്കായി രക്തഗ്രൂപ്പ് നിര്‍ണ്ണയക്യാമ്പും നടത്തും. രാവിലെ 8.30ന് റീജ്യണല്‍ ജോയിന്റ് ലേബര്‍ കമ്മീഷണര്‍ കെ.എം. സുനില്‍കുമാര്‍ അധ്യക്ഷത വഹിക്കുന്ന ചടങ്ങ് ഡെപ്യൂട്ടി കലക്ടര്‍ ഷാമിന്‍ സെബാസ്റ്റ്യന്‍ ഉദ്ഘാടനം ചെയ്യും. രക്തദാനത്തിന്റെ പ്രാധാന്യത്തെക്കുറിച്ച് തൊഴിലാളികള്‍ക്കിടയിലും പൊതുജനങ്ങള്‍ക്കിടയിലും അവബോധമുണ്ടാക്കുന്നതിനാണ് പരിപാടി.