തിരുവനന്തപുരം : ഈ വര്‍ഷത്തെ ഗവണ്‍മെന്റ് അംഗീകൃത ആയുര്‍വേദ പാരാമെഡിക്കല്‍ തെറാപ്പിസ്റ്റ് കോഴ്‌സുകള്‍ക്ക് അപേക്ഷിക്കാം. അപേക്ഷാഫോറത്തിന്റെ വില ഓരോ കോഴ്‌സിനും 250 രൂപയും (300 രൂപ മണി ഓര്‍ഡര്‍) എസ്.സി./എസ്.ടി. വിഭാഗത്തില്‍പ്പെട്ടവര്‍ക്ക് 150 രൂപയും (200 രൂപ മണി ഓര്‍ഡര്‍) ആണ്. അപേക്ഷാഫോറം കോഴ്‌സ് നടത്തുന്ന എല്ലാ കോളേജുകളില്‍ നിന്നും 2016 ജനുവരി എട്ട് വൈകുന്നേരം അഞ്ച് മണി വരെ വിതരണം ചെയ്യും. എസ്.എസ്.എല്‍.സി/പത്താംക്ലാസ് തത്തുല്യമാണ് അപേക്ഷിക്കുവാന്‍ വേണ്ട അടിസ്ഥാന വിദ്യാഭ്യാസ യോഗ്യത. കോഴ്‌സ് സംബന്ധിച്ച വിശദവിവരങ്ങള്‍ www.ayurveda.kerala.gov.in എന്ന വെബ്‌സൈറ്റില്‍ ലഭിക്കും. പൂരിപ്പിച്ച അപേക്ഷാഫോമുകള്‍ ആയുര്‍വേദ മെഡിക്കല്‍ വിദ്യാഭ്യാസ ഡയറക്ടറുടെ തിരുവനന്തപുരം കാര്യാലയത്തില്‍ ജനുവരി 13 വൈകുന്നേരം അഞ്ച് മണി വരെ സ്വീകരിക്കും