ന്യൂഡല്ഹി: ഉപരാഷ്ട്രപതി തിരഞ്ഞെടുപ്പിനുള്ള എന്ഡിഎ സ്ഥാനാര്ഥിയെ ഇന്ന് പ്രഖ്യാപിക്കും. ഇന്ന് ചേരുന്ന ബിജെപിയുടെ പാര്ലമെന്ററി പാര്ട്ടി യോഗത്തില് ഇതുസംബന്ധിച്ച തീരുമാനമുണ്ടാകും.
പ്രധാനമന്ത്രി നരേന്ദ്ര മോദിയുടെ അധ്യക്ഷതയിലാണ് യോഗം. ഉപരാഷ്ട്രപതി തിരഞ്ഞെടുപ്പില് നാമനിര്ദ്ദേശ പത്രിക സമര്പ്പിക്കുന്നതിനുള്ള സമയപരിധി 18 ന് അവസാനിക്കും.
അതേസമയം പ്രതിപക്ഷത്തിന്റെ ഉപരാഷ്ട്രപതി സ്ഥാനാര്ഥിയായി മഹാത്മാ ഗാന്ധിയുടെ കൊച്ചുമകനും പശ്ചിമബംഗാള് മുന് ഗവര്ണറുമായ ഗോപാല് കൃഷ്ണ ഗാന്ധിയെ തിരഞ്ഞെടുത്തിരുന്നു. ഓഗസ്റ്റ് അഞ്ചിനാണ് തിരഞ്ഞെടുപ്പ്.