തിരുവനന്തപുരം: സംസ്ഥാനത്തുണ്ടായ പ്രളയ ദുരന്തത്തില്‍പ്പെട്ടവര്‍ക്കായുള്ള സര്‍ക്കാര്‍ പ്രഖ്യാപിച്ച അടിയന്തര ധനസഹായം വൈകുന്നതായി പരാതി. ഇതനുസരിച്ച്‌ 10000 രൂപയാണ് പ്രളയത്തില്‍പ്പെട്ടവര്‍ക്കായി നല്‍കുന്നത്. ബാങ്ക് അക്കൗണ്ട് വഴി പണം നല്‍കുന്നതിനാല്‍ പലര്‍ക്കും ഇതുവരെ ധനസഹായം ലഭിച്ചിട്ടില്ല. ലക്ഷക്കണക്കിന് പേര്‍ക്കാണ് അടിയന്തര ധനസഹായം ഇതുവരെയും ലഭിക്കാത്തത്. പ്രളയത്തില്‍ പലരുടെയും ബാങ്ക് അക്കൗണ്ട് രേഖകള്‍ നശിച്ചുപോയതാണ് ഇതിന് കാരണം.

ധനസഹായം നല്‍കുന്ന ഉദ്യോഗസ്ഥരെ സംബന്ധിച്ച്‌ അക്കൗണ്ട് വിവരങ്ങള്‍ ഇല്ലാതെ പണം നല്കാന്‍ ഏറെ ബുദ്ധിമുട്ടുകയാണ്. പേര് ഉപയോഗിച്ച്‌ വിവരങ്ങള്‍ കണ്ടെത്തിയാല്‍ അര്‍ഹതപ്പെട്ട ആളാണോ എന്ന് തിരിച്ചറിയാനും ഉദ്യോഗസ്ഥര്‍ക്ക് സാധിക്കാതെ വരുന്നു. 14 ജില്ലകളിലായി 3,91,494 കുടുംബങ്ങള്‍ക്ക് 242.73 കോടി രൂപയാണ് ധനവകുപ്പ് അനുവദിച്ചിട്ടുള്ളത്.