കോഴിക്കോട്: കൂടത്തായി കൊലപാതക പരമ്ബര കേസിലെ മുഖ്യപ്രതി ജോളി ജയിലില് ആത്മഹത്യക്ക് ശ്രമിച്ച സംഭവത്തില് പ്രതികരണവുമായി ജയില് മേധാവി ഋഷിരാജ് സിങ് രംഗത്ത് . ഇത്തരം സംഭവങ്ങള് ജയിലില് നടക്കാന് പാടില്ലാത്തതായിരുന്നു എന്ന് ഋഷിരാജ് സിങ് പ്രതികരിച്ചു . ജോളിയുടെ ആത്മഹത്യാ ശ്രമം ലോക്കല് പൊലീസ് അന്വേഷിക്കും. ആവശ്യമെങ്കില് ജോളിക്ക് കൗണ്സിലിംഗ് നല്കുന്നതിനുള്ള സൗകര്യം ഏര്പ്പെടുത്തുമെന്നും അദ്ദേഹം അറിയിച്ചു .
അതേസമയം, ജോളിയെ പാര്പ്പിച്ചിരിക്കുന്ന കോഴിക്കോട് ജില്ലാ ജയിലിലെ സെല്ലില് അടിയന്തരമായി സിസിടിവി ക്യാമറകള് സ്ഥാപിക്കണമെന്ന് വടക്കന് മേഖലാ ജയില് ഡിഐജി നിര്ദ്ദേശിച്ചു . ജോളിയുടെ ആത്മഹത്യാ ശ്രമത്തിന്റെ പശ്ചാത്തലത്തില് അന്വേഷണ റിപ്പോര്ട്ടിലാണ് ഇക്കാര്യം വ്യക്തമാക്കുന്നത് . ജോളി ആത്മഹത്യക്ക് ശ്രമിച്ച സംഭവത്തില് ജയിലില് സുരക്ഷാ വീഴ്ച ഉണ്ടായിട്ടില്ലെന്നാണ് അന്വേഷണ റിപ്പോര്ട്ട് .
കോഴിക്കോട് ജില്ലാ ജയിലിലെ സെല്ലില് നൈറ്റ് വിഷന് സംവിധാനമുള്ള ഹൈ ക്വാളിറ്റി ക്യാമറ സ്ഥാപിക്കണമെന്നാണ് ഡിഐജിയുടെ നിര്ദ്ദേശം. ഈ ക്യാമറയില് നിന്നുള്ള ദൃശ്യങ്ങള് വനിതാ ഉദ്യോഗസ്ഥര്ക്ക് മാത്രം നിരീക്ഷിക്കാനാവുന്ന സംവിധാനമാണ് ഒരുക്കേണ്ടത്. എത്രയും വേഗം ക്യാമറ സ്ഥാപിക്കണമെന്നും റിപ്പോര്ട്ടില് പറയുന്നു.
ജയില് ഡിജിപിയുടെ നിര്ദ്ദേശ പ്രകാരം വടക്കന് മേഖലാ ജയില് ഡിഐജി വിനോദ് കുമാറാണ് അന്വേഷണം നടത്തിയത്.