നാഗ്പുര്: ഫോണില് മകന് ഒരു ആപ്ലിക്കേഷന് ഇന്സ്റ്റാള് ചെയ്തതോടെ പിതാവിന്റെ ബാങ്ക് അക്കൗണ്ടില് നിന്ന് നഷ്ടമായത് ഒമ്ബതുലക്ഷം.നാഗ്പുര് കൊറാഡിയില് താമസിക്കുന്ന അശോക് മാന്വാടെയുടെ പണമാണ് നഷ്ടപ്പെട്ടതെന്ന് പൊലീസില് നല്കിയ പരാതിയില് പറയുന്നു.15കാരനായ മകന് അശോകിന്റെ ഫോണ് ഉപയോഗിച്ചിരുന്ന സമയത്ത് ഡിജിറ്റല് പേയ്മെന്റ് കമ്ബനിയുടെ കസ്റ്റമര് കെയറില്നിന്നാണെന്ന് പരിചയപ്പെടുത്തി അജ്ഞാതന്റെ ഫോണ് എത്തി. തുടര്ന്ന് അശോകിന്റെ ഡിജിറ്റല് പേയ്മെന്റ് അക്കൗണ്ടിന്റെ ക്രഡിറ്റ് പരിധി ഉയര്ത്തിയതായും അതിനാല് ഒരു ആപ്ലിക്കേഷന് ഡൗണ്ലോഡ് ചെയ്യണമെന്നും അജ്ഞാതന് 15കാരന് നിര്ദേശം നല്കുകയായിരുന്നു.ഇതോടെ 15കാരന് ആപ്ലിക്കേഷന് ഡൗണ്ലോഡ് ചെയ്തതോടെ അശോകിന്റെ ബാങ്ക് അക്കൗണ്ടില്നിന്ന് 8.95 ലക്ഷം നഷ്ടമാകുകയായിരുന്നുവെന്ന് പൊലീസ് പറഞ്ഞു. സംഭവത്തില് ഐ.ടി വകുപ്പ് പ്രകാരം കേസെടുത്ത് പൊലീസ് അന്വേഷണം ആരംഭിച്ചു.