ന്യൂഡല്ഹി: കോവിഡ് പ്രതിരോധത്തിലെ കേന്ദ്രസര്ക്കാറിന്റെ പോരായ്മകള്ക്കെതിരെ വീണ്ടും കോണ്ഗ്രസ് നേതാവ് രാഹുല് ഗാന്ധിയുടെ വിമര്ശനം. കോവിഡ് അതിവേഗം പടരുന്ന സാഹചര്യത്തില് അത് തടയാനുള്ള പ്രതിവിധിയാണാവശ്യമെന്നും പൊള്ളയായ വാഗ്ദാനങ്ങളല്ലെന്നും രാഹുല് ട്വീറ്റ് ചെയ്തു. രാജ്യത്തെ കോവിഡ് പ്രതിദിന വര്ധന മൂന്ന് ലക്ഷവും കടന്ന് കുതിക്കുന്നതിനിടെയാണ് വിമര്ശനം.
ഞാന് ഇപ്പോള് വീട്ടില് ക്വാറന്റീനിലാണ്. പക്ഷേ രാജ്യത്തെ വിവിധ ഭാഗങ്ങളില് നിന്നുള്ള കോവിഡ് ദുരന്തത്തിന്റെ കഥകളാണ് കേള്ക്കുന്നത്. ഇന്ത്യക്ക് മുന്നില് കോവിഡ് പ്രതിസന്ധി മാത്രമല്ല ഇപ്പോഴുള്ളത്. ഇതിെനാപ്പം സര്ക്കാറിന്റെ ജനവിരുദ്ധ നയങ്ങള് കൂടി പ്രതിസന്ധി സൃഷ്ടിക്കുകയാണ്. കോവിഡ് പ്രതിസന്ധിയില് പ്രതിവിധിയാണാവശ്യം അല്ലാതെ പൊള്ളയായ വാഗ്ദാനങ്ങളല്ലെന്ന് രാഹുല് ട്വിറ്ററില് കുറിച്ചു.
കഴിഞ്ഞ ദിവസം രാജ്യത്തെ അഭിസംബോധന ചെയ്ത പ്രധാനമന്ത്രി നരേന്ദ്ര മോദി ഓക്സിജനും, ആശുപത്രിക്കളില് കിടക്കകളും മറ്റ് സൗകര്യങ്ങളും ഏര്പ്പെടുത്തുമെന്ന് അറിയിച്ചിരുന്നു. എന്നാല്, പ്രധാനമന്ത്രിയുടെ പ്രഖ്യാപനം വന്നിട്ടും ഇക്കാര്യത്തില് യാതൊരു പുരോഗതിയുണ്ടായിരുന്നില്ല.