തിരുവനന്തപുരം: പുതുവൈപ്പിനില് ഐ.ഒ.സി പ്ലാന്റിനെതിരെ സമരം നടത്തിയ നാട്ടുകാര്ക്കു നേരെ പൊലീസ് നടത്തിയ ലാത്തിച്ചാര്ജ് പ്രാകൃതവും നീതീകരിക്കാന് കഴിയാത്തതുമാണെന്ന് പ്രതിപക്ഷ നേതാവ് രമേശ് ചെന്നിത്തല പറഞ്ഞു. സ്ത്രീകള് ഉള്പ്പെടെയുള്ള നാട്ടുകാര്ക്കെതിരെ ക്രൂരമായ ബലപ്രയോഗമാണ് നടന്നത്. ജനകീയ സമരങ്ങളെ തോക്കും ലാത്തിയുമുപയോഗിച്ച് അടിച്ചമര്ത്താനാവില്ലെന്ന് സര്ക്കാര് ഓര്ക്കണം. വര്ദ്ധിച്ചു വരുന്ന പനി മരണങ്ങളെക്കുറിച്ച് ചര്ച്ച ചെയ്യാന് ഇന്ന് രാവിലെ മുഖ്യമന്ത്രിയെ താന് കണ്ടപ്പോള് പുതുവൈപ്പിന് പ്രശ്നവും ചര്ച്ച ചെയ്തിരുന്നു. അവിടത്തെ ജനങ്ങളുടെ ആശങ്ക അകറ്റാന് അവരുമായി ചര്ച്ച നടത്തണമെന്നും സര്വകക്ഷി യോഗം വിളിക്കണമെന്നും ബലപ്രയോഗം നടത്തരുതെന്നും താന് മുഖ്യമന്ത്രിയോട് ആവശ്യപ്പെട്ടിരുന്നതാണ്.
കഴിഞ്ഞ ദിവസം നടന്ന ലാത്തിച്ചാര്ജ് അനാവശ്യമായിരുന്നെന്നും കുറ്റക്കാര്ക്കെതിരെ നടപടി എടുക്കണമെന്നും മുഖ്യമന്ത്രിയോടാവശ്യപ്പെട്ടിരുന്നു. അത് കഴിഞ്ഞ് ഒരു മണിക്കൂറിനുള്ളില് വീണ്ടും ലാത്തിച്ചാര്ജുണ്ടായി. ഇത് ഒരു തരത്തിലും നീതീകരിക്കാന് കഴിയുന്നതല്ല. ഇതിന് ഉത്തരവാദികളായവര്ക്കെതിരെ കര്ശനമായ നടപടി വേണം. സമാധാനപരമായ ചര്ച്ചയിലൂടെ പ്രശ്നം പരിഹരിക്കുകയാണ് വേണ്ടതെന്നും ചെന്നിത്തല പറഞ്ഞു.