ന്യൂഡല്ഹി: ജൂണ് 30 അര്ധ രാത്രി മുതല് രാജ്യം ചരിത്രത്തിലെ ഏറ്റവും വലിയ നികുതി പരിഷ്കാരമായ ചരക്കു സേവന നികുതിയിലേക്ക് (ജി.എസ്.ടി) മാറുമെന്ന് ധനമന്ത്രി അരുണ് ജെയ്റ്റ്ലി. ഇതിന്റെ പ്രഖ്യാപനം 30ന് അര്ധരാത്രി പാര്ലമന്റെ് സെന്ട്രല് ഹാളില് നടക്കും. രാഷ്ട്രപതി, ഉപരാഷ്ട്രപതി, പ്രധാനമന്ത്രി, സംസ്ഥാനങ്ങളിലെ മുഖ്യമന്ത്രിമാരും പ്രതിപക്ഷ നേതാക്കളും പ്രഖ്യാപനത്തില് പങ്കാളികാളാകുമെന്നും ജെയ്റ്റ്ലി വാര്ത്താസമ്മേളനത്തില് പറഞ്ഞു.
പ്രഖ്യാപനത്തില് പങ്കെടുക്കുന്ന സംസ്ഥാന ധനമന്ത്രിമാരടക്കമുള്ളവര്ക്കുള്ള അത്താഴവും അന്ന് പാര്ലമെന്റിലായിരിക്കും. അര്ധരാത്രിയുടെ പ്രഖ്യാപനം കഴിഞ്ഞ് ജൂലൈ ഒന്നിന് രാജ്യത്ത് ഏകീകൃത നികുതി ഘടന നിലവില്വരും.