കൊച്ചി: പുതുച്ചേരി വാഹന രജിസ്ട്രേഷന് കേസില് സുരേഷ് ഗോപി എം.പിക്ക് ഹൈക്കോടതി ജാമ്യം അനുവദിച്ചു. ഒരു ലക്ഷം രൂപ കെട്ടിവയ്ക്കണമെന്നും, അന്വേഷണത്തില് ഇടപെടരുതെന്നും കോടതി നിര്ദേശം നല്കി.
സുരേഷ് ഗോപിയെ അറസ്റ്റ് ചെയ്യുന്നത് കോടതി 10 ദിവസത്തേക്ക് കൂടി നേരത്തെ തടഞ്ഞിരുന്നു.
സുരേഷ് ഗോപിയുടെ കാര് ഓവര് സ്പീഡിന് അടക്കം പിടിക്കപ്പെട്ടു. അതനുസരിച്ച് പുതുച്ചേരിയിലെ വിലാസത്തില് നോട്ടീസ് അയച്ചെങ്കിലും അങ്ങനെയൊരു ആളില്ല എന്ന അറിയിപ്പില് തിരിച്ചുവരുകയുണ്ടായെന്നും കോടതി വ്യക്തമാക്കിയിരുന്നു.
കേരളത്തിലുള്ളവര് വാങ്ങുന്ന വാഹനങ്ങള്ക്ക് പുതുച്ചേരി വിലാസത്തില് വ്യാജ രജിസ്ട്രേഷന് നടത്തിക്കൊടുക്കുന്നതിനായി ഗൂഢസംഘം പ്രവര്ത്തിക്കുന്നുണ്ടെന്ന് ക്രൈംബ്രാഞ്ച് കോടതിയെ അറിയിച്ചിരുന്നു. ഇതിനായി ഒരു സിന്ഡിക്കേറ്റ് തന്നെ പ്രവര്ത്തിക്കുന്നുണ്ട്.