ഹെയര് കെയര് പരസ്യത്തില് ഹിജാബണിഞ്ഞ് പ്രത്യക്ഷപ്പെട്ട് ചരിത്രമായി മാറിയ അമിന ഖാനെന്ന മോഡല് വിവാദത്തെ തുടര്ന്ന് പരസ്യത്തില് നിന്നും പിന്വാങ്ങി. 2014ല് ഇസ്രായേലിനെതിരായി പോസ്റ്റ് ചെയ്ത ട്വീറ്റാണ് അമിനക്ക് വിനയായത്. ഇസ്രയേലിലടക്കം ഉപഭോക്താക്കളുള്ള ലോറിയല് എന്ന കമ്ബനിയുടെ സൗന്ദര്യ വര്ധക പരസ്യത്തിലാണ് അമിന പ്രത്യക്ഷപ്പെട്ടത്.
ഒരു ബ്രിട്ടീഷ് ബ്ലോഗറാണ് ഹിജാബ് ധരിച്ച അമിന ലോറിയലിെന്റ പരസ്യത്തില് ഉള്പ്പെട്ട കാര്യം പുറത്ത്വിട്ടത്. ഇതിന് ശേഷമായിരുന്നു അമിനയുടെ മൂന്ന് വര്ഷം മുമ്ബുള്ള ട്വീറ്റിെന്റ പേരിലുള്ള വിവാദം കൊഴുക്കുന്നത്.
2014ല് താനിട്ട ട്വീറ്റിെന്റ ഉള്ളടക്കം ആരെയെങ്കിലും വേദനിപ്പിച്ചിട്ടുണ്ടെങ്കില് മാപ്പ് പറയുന്നതായി അമിന ഇന്സ്റ്റാഗ്രാമില് കുറിച്ചു. എല്ലാവരും തുല്ല്യരാണ് എന്ന് വിശ്വസിക്കുന്നയാളാണ് ഞാന്. എെന്റ നിലപാടുകള്ക്ക് വിരുദ്ധമാണെന്ന് തോന്നിയതിനാല് ട്വീറ്റ് ഡിലീറ്റ് ചെയ്തു. ഒരു പരസ്യ കാമ്ബയിനിെന്റ ഭാഗമായിരുന്നു ഞാന്. അതെന്നെ ആവേശം കൊള്ളിച്ചിരുന്നു. ഇപ്പോഴുള്ള വിവാദങ്ങള് പരസ്യം ഉള്കൊള്ളുന്ന സന്ദേശത്തെയും അതിെന്റ നല്ല വശത്തെയും ബാധിക്കുന്നതിനാല് കാമ്ബയിനില് നിന്നും പിന്വാങ്ങുന്നതായും അമിന വ്യക്തമാക്കി.
മുടി ഹിജാബിനുള്ളിലായാലും അല്ലെങ്കിലും അതിനെ സംരക്ഷിക്കുന്നതിനെ കുറിച്ചായിരുന്നു അമിന പരസ്യത്തില് പറയുന്നത്. പരസ്യത്തില് ഹിജാബണിഞ്ഞെത്തിയ അമിനയെ വാഴ്ത്തി നിരവധി േപര് രംഗത്ത് വന്നിരുന്നു.