പൂണെ: നഗരത്തിലെ അഹമ്മദ് നഗറില് രണ്ട് ശിവസേനക്കാരെ വെടിവെച്ചു കൊന്നു. പാര്ട്ടി നേതാവ് സഞ്ജയ് കോത്താര്, പ്രവര്ത്തകനായ വസന്ത് തുബെ എന്നിവരാണ് മരിച്ചത്. ബൈക്കില് സഞ്ചരിക്കുേമ്ബാള് ഇരുവരെയും ഒരു സംഘം ആളുകള് വെടിവെച്ച് കൊലപ്പെടുത്തുകയായിരുന്നു.
േകാത്താലി പൊലീസ് സ്റ്റേഷന് പരിധിയില് ശനിയാഴ്ച രാത്രിയോടെയാണ് സംഭവം. വെടിവെച്ചതിന് പുറമേ മാരകായുധങ്ങളുപയോഗിച്ച് ഇരുവരെയും കുത്തുകയും ചെയ്തിട്ടുണ്ട്. കൊലപാതകത്തെ തുടര്ന്ന് വന് ജനക്കൂട്ടം സ്ഥലത്ത് തടിച്ചുകൂടി. കൊലപാതകം പൊലീസിനെ അറിയിക്കാന് വൈകിയതിനെ തുടര്ന്ന് മൃതദേഹങ്ങള് കുറേ സമയം േറാഡില് കിടന്നതായി റിപ്പോര്ട്ടുകളുണ്ട്. സംഭവത്തെ നിലവില് കൂടുതലൊന്നും പ്രതികരിക്കാന് കഴിയില്ലെന്ന് പൊലീസ് ഇന്സ്പെക്ടര് അഭയ് പാര്മര് പറഞ്ഞു.
കൊലപാതകങ്ങളില് പ്രതിഷേധിച്ച് ശിവസേന പ്രവര്ത്തകര് പൂണെ-അഹമ്മദ്നഗര് റോഡ് ഉപരോധിച്ചു. പ്രദേശത്ത് നടന്ന ഉപതെരഞ്ഞെടുപ്പില് കോണ്ഗ്രസ് സ്ഥാനാര്ഥി വിജയിച്ചതിന് പിന്നാലെയാണ് കൊലപാതകങ്ങള് നടന്നിരിക്കുന്നത്. തെരഞ്ഞെടുപ്പില് ശിവസേനയേയും ബി.ജെ.പിയേയും പരാജയപ്പെടുത്തിയാണ് കോണ്ഗ്രസ് വിജയിച്ചത്.