അഹമ്മദ് നഗര്: എട്ടുവയസുകാരെന്റ കഴുത്തില് അധ്യാപകന് വടി കൊണ്ട് കുത്തിയതിനെ തുടര്ന്ന് കുട്ടിയുടെ ശ്വാസനാളവും അന്നനാളവും തകര്ന്നു. കണക്ക് ചോദ്യത്തിന് ഉത്തരം കണ്ടെത്താന് കഴിയാതിരുന്നതിനാണ് അധ്യാപകന് കുട്ടിക്ക് ശിക്ഷ നല്കിയത്. മഹാരാഷ്ട്രയിലെ പിംപാല്ഗണിലാണ് സംഭവം. കുഞ്ഞിന് സംസാര ശേഷിയും നഷ്ടപ്പെട്ടു.
ക്ലാസില് വെച്ച് വേദനകൊണ്ട് പുളഞ്ഞ കുഞ്ഞ് ചുമച്ച് ചോരതുപ്പുകയും തൊണ്ടയില് നിന്ന് രക്തമൊലിക്കുകയും ചെയ്തതോടെ സഹപാഠികള് കരഞ്ഞ് ബഹളം വെച്ചു. തുടര്ന്ന് സ്കൂള് അധികൃതര് കുഞ്ഞിനെ ആശുപത്രിയിലെത്തിക്കുകയായിരുന്നു. ആശുപത്രിയില് തീവ്രപരിചരണ വിഭാഗത്തില് കഴിയുന്ന കുഞ്ഞ് ഗുരുതരാവസ്ഥയില് തുടരുകയാണെന്ന് ഡോക്ടര്മാര് അറിയിച്ചു.
കുഞ്ഞിനെ ദ്രോഹിച്ചതിന് പ്രതിക്കെതിരെ കുറ്റംചുമത്തിയിട്ടുണ്ടെങ്കിലും ഇതുവരെ അറസ്റ്റ് ചെയ്തിട്ടില്ല.