ന്യൂഡല്ഹി: ഐഎന്എക്സ് മീഡിയ കേസില് മുന് കേന്ദ്രമന്ത്രി പി. ചിദംബരത്തെ ഉടന് അറസ്റ്റ് ചെയ്യരുതെന്ന് കോടതി. അറസ്റ്റില്നിന്നും സംരക്ഷണം ആവശ്യപ്പെട്ട് ചിദംബരം ഡല്ഹി കോടതിയെ സമീപിച്ചതിനെ തുടര്ന്നാണ് ഉത്തരവ്. നവംബര് 29വരെ ചിദംബരത്തെ അറസ്റ്റു ചെയ്യരുതെന്ന് കോടതി ഉത്തരവിട്ടു.
ഐഎന്എക്സ് മീഡിയയിലേക്കു മൗറീഷ്യസില്നിന്ന് 305 കോടിയുടെ വിദേശനിക്ഷേപം സ്വീകരിച്ചതു ചട്ടങ്ങള് മറികടന്നാന്നെന്ന കേസില് ചിദംബരത്തിന്റെ മകന് കാര്ത്തി ചിദംബരത്തെ സിബിഐ അറസ്റ്റ് ചെയ്തിരുന്നു. 2007ല് പി. ചിദംബരം കേന്ദ്ര ധനമന്ത്രിയായിരുന്ന കാലത്താണ് കാര്ത്തി ഐഎന്എക്സ് മീഡിയ ഇടപാടും ചട്ടങ്ങളിലെ ഇളവുകളും നേടിയെടുത്തത്. കാര്ത്തി ഐഎന്എക്സില്നിന്നു കണ്സള്ട്ടേഷന് ഫീസായി പത്തുലക്ഷം രൂപ വാങ്ങിയതായും സിബിഐ കണ്ടെത്തി.