തിരുവനന്തപുരം മണ്വിളയിലെ പ്ലാസ്റ്റിക് നിര്മ്മാണ യൂണിറ്റിന് തീ പിടിച്ച സംഭവത്തില് അട്ടിമറി സാധ്യത പരിശോധിക്കുമെന്ന് മന്ത്രി കടകംപള്ളി സുരേന്ദ്രന്.മുഖ്യമന്ത്രി പിണറായി വിജയനും വ്യവസായ വകുപ്പു മന്ത്രി ഇ.പി ജയരാജനുമായും കൂടി ആലോചിച്ച ശേഷം അന്തിമ തീരുമാനമെടുക്കുമെന്നും മന്ത്രി പറഞ്ഞു.തീപിടിത്തത്തില് 400 കോടി രൂപയുടെ നഷ്ടമുണ്ടായിട്ടുണ്ടെന്ന് ഫാമിലി പ്ലാസ്റ്റിക്സ് നിര്മാണ അധികൃതര് അറിയിച്ചു.
ഫാമിലി പ്ലാസ്റ്റിക്കിന്റെ ഫാക്ടറിയില് കഴിഞ്ഞ ദിവസവും തീപിടുത്തമുണ്ടായിരുന്നു. ഷോട്ട് സര്ക്ക്യൂട്ടായിരുന്നു കാരണം . വീണ്ടും അപകടം ആവര്ത്തിച്ചതോടെയാണ് സംഭവത്തിലെ അട്ടിമറി സാധ്യത പരിശോധകന് സര്ക്കാര് തീരുമാനിച്ചത്. തീ പിടുത്തത്തെക്കുറിച്ച് അന്വേഷണം നടത്തുമെന്ന് ഫയര്ഫോഴ്സ് മേധാവി എ.ഹേമചന്ദ്രന് ഐ.പി.എസ് പറഞ്ഞു. ഡയറക്ടര് ജനറല് പ്രസാദിനാകും അന്വേഷണ ചുമതലയെന്നും അദ്ദേഹം അറിയിച്ചു.