ന്യൂഡല്‍ഹി: അ​ഴീക്കോ​ട് നി​യ​മ​സ​ഭാ തെ​ര​ഞ്ഞെ​ടു​പ്പ് ഫ​ലം റ​ദ്ദാ​ക്കി​യ ഹൈ​ക്കോ​ട​തി ഉ​ത്ത​ര​വ് ചോദ്യം ചെയ്ത് സമര്‍പ്പിച്ച അപ്പീല്‍ അടിയന്തരമായി കേള്‍ക്കണമെന്ന കെ.എം. ഷാജിയുടെ ആവശ്യം സുപ്രീം കോടതി തള്ളി. അപ്പീല്‍ എന്ന് പരിഗണിക്കുമെന്ന തീയതി നിശ്ചയിക്കാനാകില്ലെന്ന് ചീഫ് ജസ്റ്റീസ് രഞ്ജന്‍ ഗോഗോയ് വ്യക്തമാക്കി.

അതേസമയം, കെ.എം. ഷാജിക്ക് നിയമസഭാ നടപടികളില്‍ പങ്കെടുക്കാമെന്നും എന്നാല്‍ ജനപ്രതിനിധി എന്നുള്ള നിലയിലെ ആനുകൂല്യങ്ങള്‍ കൈപ്പറ്റാനാകില്ലെന്നും കോടതി വാക്കാല്‍ നിരീക്ഷിച്ചു. കെ.എം. ഷാജിയുടെ അയോഗ്യതയ്ക്ക് ഹൈക്കോടതി നല്‍കിയ സ്റ്റേ വെള്ളിയാഴ്ചയാണ് അവസാനിക്കുന്നത്.

ത​ന്നെ അ​യോ​ഗ്യ​നാ​ക്കി​യ ഹൈ​ക്കോ​ട​തി​യു​ടെ ഉ​ത്ത​ര​വ് തെ​റ്റാ​ണെ​ന്നും ത​നി​ക്കെ​തി​രേ ഉ​ന്ന​യി​ച്ച ആ​രോ​പ​ണ​ങ്ങ​ളു​ടെ അ​ടി​സ്ഥാ​നം ശ​രി​യാ​യ രീ​തി​യി​ല്‍ കോ​ട​തി പ​രി​ശോ​ധി​ച്ചി​ല്ലെ​ന്നും ഷാ​ജി ന​ല്‍​കി​യ ഹ​ര്‍​ജി​യി​ല്‍ ആ​രോ​പി​ക്കു​ന്നു. എ​തി​ര്‍ സ്ഥാ​നാ​ര്‍​ഥി എം.​വി. നി​കേ​ഷ് കു​മാ​ര്‍ ന​ല്‍​കി​യ ഹ​ര്‍​ജി​യി​ലാ​ണ് ഹൈ​ക്കോ​ട​തി, തെ​ര​ഞ്ഞെ​ടു​പ്പ് റ​ദ്ദാ​ക്കി കെ.​എം. ഷാ​ജി​ക്ക് ആ​റ് വ​ര്‍​ഷം അ​യോ​ഗ്യ​ത വി​ധി​ച്ച​ത്.