തിരുവനന്തപുരം: കോണ്ഗ്രസ് പ്രവര്ത്തകസമിതി അംഗം എ.കെ.ആന്റണിക്കെതിരെ രൂക്ഷ വിമര്ശനവുമായി മുഖ്യമന്ത്രി പിണറായി വിജയന്. ശബരിമലയിലെ സര്ക്കാരിന്റെ പ്രവര്ത്തനങ്ങളെ ഹൈക്കോടതിയും അംഗീകരിച്ചതാണ്. എന്നിട്ടും സംഘര്ഷം വിളിച്ചുവരുത്തിയത് മുഖ്യമന്ത്രിയും ഡി.ജി.പിയുമാണെന്ന എ.കെ. ആന്റണിയുടെ പ്രസ്താവന ദുരുപദിഷ്ടമാണെന്ന് മുഖ്യമന്ത്രി പ്രതികരിച്ചു. കേരളത്തില് ബിജെപിക്ക് വെള്ളവും വളവും നല്കുകയാണ് എ കെ ആന്റണി എന്നും മുഖ്യമന്ത്രി കുറ്റപ്പെടുത്തി. ശബരിമലയില് 52 വയസുള്ള ഭക്തയെപോലും കയ്യേറ്റം ചെയ്യാന് ശ്രമം നടന്നു. ആന്റണിയുടെ പാര്ട്ടിയും അണികളും ഈ കലാപകാരികള്ക്ക് ഒത്താശ ചെയ്ത് പ്രവര്ത്തിച്ചുവെന്നും മുഖ്യമന്ത്രി കുറ്റപ്പെടുത്തി. സാമൂഹ്യ മാധ്യമ കുറിപ്പിലൂടെയാണ് മുഖ്യമന്ത്രിയുടെ പ്രതികരണം.