തിരുവനന്തപുരം: ശബരിമല യുവതി പ്രവേശനം ഉള്പ്പെടെ നിരവധി സംഭവവികാസങ്ങള്ക്കിടെ സംസ്ഥാന നിയമസഭാ സമ്മേളത്തിന് തുടക്കമായി. മഞ്ചേശ്വരം എംഎല്എയായിരുന്ന പി.ബി. അബ്ദുള് റസാഖിനും വയനാട് എംപിയായിരുന്ന എം.ഐ. ഷാനവാസിനും ചരമോപചാരം അര്പ്പിച്ചശേഷമാണ് സഭാ നടപടികള് തുടങ്ങിയത്.
അതേസമയം, ഇന്നു വൈകുന്നേരം രാജ്ഭവനില് നടക്കുന്ന ജെഡി-എസിന്റെ നിയുക്തമന്ത്രി കെ. കൃഷ്ണന്കുട്ടിയുടെ സത്യപ്രതിജ്ഞ ചടങ്ങില്നിന്നും വിട്ടു നില്ക്കുമെന്ന് പ്രതിപക്ഷം അറിയിച്ചു. ശബരിമലയുള്പ്പെടെയുള്ള വിഷയങ്ങളില് സര്ക്കാരിനെ പ്രതിഷേധം അറിയിക്കുന്നതിനാണ് ചടങ്ങ് ബഹിഷ്കരിക്കുന്നതെന്ന് യുഡിഎഫ് നേതാക്കള് പറഞ്ഞു.
