ജയ്പുര്: ഹനുമാന് ആദിവാസി ദളിതന് ആയിരുന്നെന്നും അതുകൊണ്ടു ബിജെപി സ്ഥാനാര്ഥികള്ക്കു വോട്ടു ചെയ്യണമെന്നും ഉത്തര്പ്രദേശ് മുഖ്യമന്ത്രി യോഗി ആദിത്യനാഥ്. രാജസ്ഥാനിലെ ആള്വാറില് തെരഞ്ഞെടുപ്പ് പ്രചാരണ റാലിയില് സംസാരിക്കവെയാണ് ആദിത്യനാഥ് ഹനുമാനെയും പ്രചാരണ ആയുധമാക്കിയത്.
ഹനുമാന് ആദിവാസിയായിരുന്നു. വനത്തില് അദ്ദേഹം ഒറ്റപ്പെട്ടു വസിക്കുകയായിരുന്നു. വടക്കു മുതല് തെക്കു വരെയും കിഴക്കു മുതല് പടിഞ്ഞാറുവരെയും ജനങ്ങളെ ഒന്നിപ്പിക്കാന് വേണ്ടിയാണ് അദ്ദേഹം പ്രവര്ത്തിച്ചത്. രാമന്റെ ഈ ആഗ്രഹമായിരുന്നു ഹനുമാന്റെ ലക്ഷ്യം. ആ ആഗ്രഹം സാധ്യമാകുന്നതുവരെ വിശ്രമമരുത്. എല്ലാ രാമഭക്തരും ദളിതരും ബിജെപിക്ക് വോട്ട് ചെയ്യണം. കോണ്ഗ്രസിനു വോട്ടു ചെയ്യുന്നവര് രാവണ ഭക്തരാണ്- ആദിത്യനാഥ് പറഞ്ഞു.
ഇത് ആദ്യമായല്ല ഹനുമാന്റെ പേരില് യോഗി ആദിത്യനാഥ് വോട്ടു ചോദിക്കുന്നത്. ചണ്ഡീഗഡില് നടന്ന തെരഞ്ഞെടുപ്പ് പ്രചാരണത്തിനിടെയും ആദിത്യനാഥ് സമാന പരാമര്ശം നടത്തിയിരുന്നു. ഡിസംബര് ഏഴിനാണ് രാജസ്ഥാനില് നിയമസഭാ തെരഞ്ഞെടുപ്പ് നടക്കുന്നത്.